• eusta

    Satani akubona nk’ikinnyabari cyangwa indwanyi?

    Yanditswe na IBYIRINGIRO June 26, 2019

    Kubara 13:33 “Kandi twabonye abantu barebare kandi banini, twibonaga tumeze nk’ inzige, nabo bakabona tumeze nkazo” Ni gute Satani akubona? Akubona ko uri irwanyi ikomeye y’ Imana cyangwa akubona nk’ […]




    Kubara 13:33 “Kandi twabonye abantu barebare kandi banini, twibonaga tumeze nk’ inzige, nabo bakabona tumeze nkazo”

    Ni gute Satani akubona? Akubona ko uri irwanyi ikomeye y’ Imana cyangwa akubona nk’ ikinnyabari k’ urugamba cyangwa ingabo itagira  umutware.

    Ibisubizo ntawundi wagitanga usibye wowe gusa.

    Ndibuka igihe narindi kwiga isomo ryitwa “amateka y’ Abisiraheli” nkitangira kwiga “Theology “ mu myaka nk’ itanu ishize, muri iryo somo nabonye uburyo abana b’ Abayisiraheri bagiye batsindwa hamwe na hamwe mu ukwinjira mu igihugu cy’ amasezerano. Nabonye ko ipfundo cyangwa urufunguzo rwo gutsindwa kwabo kwari kuri mu magambo yabo bavugaga.

    Bibonaga uko batari,  bibonaga mu uburyo bwo mu umubiri, kandi urugamba rwabo rwari urwo mu uburyo bwo mu mwuka. Muri uko kwibona mu uburyo bwo mu mubiri bakibonamo Imbaraga za kimuntu kandi bafite izindi mbaraga zidasanzwe bakura kuri DNA y’ Imana.

    Impamvu Abiraheli bagiye bagaragara ko bafite ubwoba bwo kurwana n’ ibigabo by’ i Kanani kuko babonaga ari abantu banini maze bo bakibona ari abantu bato cyane kuri bo. Ubusanzwe umusirikari uwari we wse , uzi  ubunararibonye bw’ umugaba mukuru w’ ikirenga we ndetse akaba anazi ingamba yagiye atsinda ndetse bikamuhesha imidali no kumenyekana ku isi yose, ntabwo agira ubwoba bw’ Intambara iyari yo yose, ndetse iri gusembuzwa n’  indi ngabo azari zo zose cyangwa uko icyo gihugu cyaba kingana kose. Ahubwo yumvako bagomba kubatamira nk’ imitsima nkuko Yosuwa na Karebu babivuze imbere ya Mose.

    Ingabo nyangabo ntabwo yirebaho cyangwa ngo irebere kubo bagiye guhangana, mbere ya byose ibanza kurebera k’ ubuhanga bw’ umugaba w’ ikirenga. Umugaba w’ ikirenga wacu ni Yesu Kristo. Ubunararibonye bwe buri wese yarabubonye mu intambara yatsinze akiri mu ishyamba hano mu isi maze agahembwa kuba umwami n’ umugaba w’ ikirenga aho yabonye amapeti menshi amaze gutsinda izo ntambara zigiye zitandukanye.

    None nkatwe abasirikare na Kristo, nkatwe abizera ni gute twibona?  Niba wibona uri umunyantege nke, udashoboye, Satani arakugabaho ibitero byibura inshuro eshanu k’ umunsi , nabwo niba ari ” busy” niba atari “busy” aragukandagiraho ivumbi ritumuke….. Igitekerezo cyo kwibuka ko wigeze kugira umugaba w’ ikirenga bisibangane kabisa mu ubwonko bwawe. Kwongera kwibuka kuvuga izina rya Yesu bibe amateka.

    Ariko ukimara gusoma iyi nyigisho maze ikibona nkuko umugaba w’ ikirenga (Yesu ) akubona nk’ irwanyi ikomere y’ umwana w’umuhungu/ w’ umukobwa w’ Imana ikomeye azakwambika imbaraga ze bwite, umwanzi azajya ahera mu ibigambo gusa , Satani azaguhunga, uzajya unyura iburyo nawe anyure ibumoso. Uyu munsi niba udakomejwe n’ ubuhangange, ubunararibonye bw’ umugaba w’ ikirenga wawe mu imirebere yawe, wari ukwiriye kubihindura. Ukizera imbaraga ze cyangwa ubunararibonye bwe kuko umugaba w’ ikirenga ntakunda umusirikare w’ umunyabwoba.Wari ukwiriye gushaka ijambo ry’ Imana, Ukuzura umwuka wera kuko, ni bikuzura uzatangira kugenda cyangwa kurwana nk’ inyambaraga wo mu uburyo bwo mu mwuka.

    Hindukiza imeza mwicaranyeho n ‘ umwanzi wawe. maze umutere umugongo. Niwumva akaboko ke kagukozeho ntuhindukire umurebe, ahubwo murashije yantwaro isohora ibintu  by’ umuriro imbere n’ inyuma ndetse n’ urusaku rwinshi ,bityo abone ko witeguye kandi ko ufite ibikoresho bihahije kandi byo mu urwego rwo hejuru.

    Ubu butumwa mubutegurirwa kandi mukabugezwan’ Umukozi w’Imana, Rev./Ev. Eustache Nibintije, Umunyeshuri wa Patriots Bible University yo muri Leta Zunze Ubumwe za Amerika abinyujije muri Minisiteri ye y’ivugabutumwa yise “Nibintije Evangelical Ministries” yigisha ijambo ry’Imana nkuko Imana yamuhaye uyu muhamagaro ikamwuzuza ubwenge bwo kugira ngo agirire abantu benshi umumaro.

    Imana iguhe umugisha..!

    Nibintije Evangelical Ministries International (NEMI)

    estachenib@yahoo.com

    WhatsApp +14123265034



    Leave a Reply


    Ibitekerezo