• Moses Commandments1

    Rwanda:Inyandiko y’umukiristu isabira ibihano abakozi b’imana

    Yanditswe na IBYIRINGIRO March 29, 2019

    Ese  birashoboka ko byaba ari ukuri mu  ubusambanyi buvugwa kubakorera Imana? Ese ibi  ibi ntibyakwitwa ihohoterwa rikorerwa abayoboke bitewe nuko bamwe mu ntama bagushwa mu mitego iberekeza k’ubusambanyi na bamwe […]




    Ese  birashoboka ko byaba ari ukuri mu  ubusambanyi buvugwa kubakorera Imana? Ese ibi  ibi ntibyakwitwa ihohoterwa rikorerwa abayoboke bitewe nuko bamwe mu ntama bagushwa mu mitego iberekeza k’ubusambanyi na bamwe mu bayobozi b’amadini nkuko tugiye kubibona muri iyi nyandiko yashyizwe ahagaragara numwe mu basesenguzi mu byiyobokamana mu RwandaMoses Commandments1

    ,Mu nyandiko ye yagize ati”Umunyarwanda niwe wavuze ngo ” kugenda bitera kubona”! Nibyo koko nanjye naragenze ndabona, ariko sinjya mbona gusa ahubwo ndiga, ngakura isomo mu byo nabonye yewe nkagera kure kuko ndikura no mubyo numva. Nta matiku mbazanyeho rero usibye kuburira, kujya inama, kungurana ibitekerezo no kwibaza niba bishoboka gucyeza cyangwa gukorera abami barenze umwe, Imana data wa twese, satani, bayali, dagoni, lyangombe n’abandi!!!

    Ubu mushatse mwahita munsubiza ngo nihagire utera ibuye uyu mukozi w’Imana, musenyeri, padiri, pasitoro, sheikh , muvugabutumwa, manseri, furere, furatiri, muhanuzi, ntumwa…. Abo bose ntacyo npfa namwe kuko mukora umurimo ukomeye, ukwiriye kubahwa kuko ari uw’Imana. Gusa ibyo mbona kuri bamwe nibyo bigeraho bikancanga nkajya mu rujijo kwizera bikangora. Muraje rero muvuge za mvugo mpora numva ngo mukore ibyo mbabwira ariko ntimukore ibyo nkora, ngo ndi ikiraro gusa kubageza ku mana, buri wese azikorera umusaraba we n’izindi mvugo nyinshi nk’izo.

    Nubwo bimeze bityo ariko ngize uwo mbaza aho atuye mu mudugudu cyangwa umurenge atuyemo ntiyabura kumbwira ko ntarimo kucyatsa ko nawe azi neza ko ibyo mvuga aribyo. None se hirya no hino ku isi ntamakuru acicikana mu bihaye Imana yerekeye gufata ku ngufu, atari abantu bakuru ahubwo bikorerwa abana b’abakobwa?

    Kuko izi nkuru zari zimaze iminsi zimena amatwi n’umutima, ndibaza nti ese ibi n’ibiki koko? binyibutsa ko bidakwiriye kumvikana nk’inkuru z’amahanga cyangwa kuri kiliziya gusa ahubwo ko n’iwacu mu Rwanda bihari kandi mu bakozi b’Imana. Aha byumvikane neza, si kuri bose ahubwo kuri bamwe batameshe kamwe ngo bakorere Imana yonyine ahubwo bakavanga no gukorera satani biyoberanya.

    Ariko ngo n’uwububa abonwa n’uhagaze, buriya baribeshya ngo ubusambanyi burihishira? None se bibura kumenyekana ko abana bavuka muri ubwo buryo? Aho basambanira mu mahoteli ntibigaragazwa n’abayoboke babo bahasanze baba batazi, ???

    Singiye kuvuga amazina ariko ndatanga ingero.

    Nyuma gato ya jenoside, uwihaye Imana wakoreraga imwe muri paruwasi y’icyahoze cyitwa Butare, yateye inda umwangavu w’imyaka 15 kandi yasanzwe asambanya nyina wari umupfakazi ( aha ndibuka ko twabajije umusenyeri w’aho ibihano bifatirwa abakoze icyaha nk’icyo) avuga ko ibihano bituruka i Roma.

    Muri ako gace nanone hari abihaye Imana bakundaga kuza gufata agatama mu mujyi maze murukerera bakora impanuka ikomeye bagiye gusanga imodoka irimo inzoga nyinshi n’udukingirizo tw’ubwoko butari bumenyerewe mu Rwanda.

    Hari umusenyeri wari waraciye ubintu, witabye Imana bikavugwa ko yaba yarazize ubwandu bwa Sida. Umupasitoro umwe mu itorero rimwe ryo ku Gisenyi, waruzwiho cyane iby’ubuhanuzi, yateye umwana w’umukobwa inda afite imyaka 15, birasakuza cyane ubushinjacyaha buza gusaba ko hapimwa ADN kugira bisobanuke kuko pasitoro yahakanaga yivuye inyuma, byaje kurangira atorotse u Rwanda.

    Undi mu pasitoro i Rwamagana, umukobwa yaramusanze yifuza gusengerwa ngo abone urushako, ageze mucyumba pasitoro amusiga amavuta kumabere ashaka no kumukuramo ipantaro uyu mukobwa yihagararaho aranga aramubaza ati pastor ibi bintu ushaka gukora byanditse he muri bibliya cyangwa Yesu yigeze abikora?

    Mu musigiti umwe ku Gisenyi hari umu sheikh waciye ibintu ujyana bamwe abayoboke be muri Nyamyumba kimwe n’abana b’abanyeshuri. Uyu we ni n’umuyobozi mu rwego runaka.

    Nari mvuze izi ngero nke gusa muri nyinshi ntagamije gusesereza ariko ngira ngo mbaze niba koko abo banyamadini baba bakorera Imana koko! Ntihagire umbwira ko ari intege nke z’umubiri, nkuko bikunze kugirwa urwitwazo. Noneho mu rwego rw’amategeko nibaza niba iyo myifatire iba itari ihohoterwa rishingiye ku gitsina kuko aba abikoreye umuntu ayobora cyangwa umufatirana mu bibazo. Kuki ibi bintu bidashyirwa ahagaragara, aho bamwe mubakabigaragaje nabo baba batameze nkabo?

    Nsoza, nifuzaga gutanga igitekerezo kuri RGB, ifite mu nshingano zayo imikorere y’amadini guhagurukira iki kintu cy’ihohoterwa rishingiye ku gitsina bikorwa n’abihaye Imana, n’abandi bavuga ko bayikorera uwo bigaragayeho wese akabihanirwa nta kujenjeka.

    Ndifuza gusaba kandi Minaloc, gukusanya amakuru ajyanye n’iyo myifatire mibi bityo amakuru babibye agashyikirizwa ubushinjacyaha. Naho ku bayoboke b’amadini cyane cyane abakunda kugana ibyumba by’amasengesho kwirinda kujya gusengerwa ahiherereye n’umugabo utari kumwe n’umufasha we cyangwa umudiyakini kuko ariwo mutego bakunda kubagushamo”.Iyo ni inyandiko yashyizwe ahagaragara n umusesenguzi utashatse ko izina rye rjya ahagaragara.

    Src:Bwiza

     



    Leave a Reply


    Ibitekerezo