• Young girl praying

    KOMEZA GUKIRANUKA KWAWE- EV -Jean Paul Munyeshyaka

    Yanditswe na Imanishimwe Dieudonne April 3, 2019

    Yob.27:6.“Gukiranuka kwanjye ndagukomeje ntabwo nzakurekura, Ntabwo umutima wanjye uzagira icyo unshinja nkiriho. Uyu ni Yobu wavugaga aya magambo inkuru ye turayizi cyane, nyuma y’ibibazo bikomeye yahuye nabyo agahomba ubutunzi bwe […]




    Yob.27:6.“Gukiranuka kwanjye ndagukomeje ntabwo nzakurekura, Ntabwo umutima wanjye uzagira icyo unshinja nkiriho.

    Young girl praying
    Uyu ni Yobu wavugaga aya magambo inkuru ye turayizi cyane, nyuma y’ibibazo bikomeye yahuye nabyo agahomba ubutunzi bwe bwose, akarwara byo gupfa abantu bose bakamwinuba bikagera nubwo inshuti ze zimwanga ndetse zikamushinja ibyaha adafite ariko ntiyareka guhamya Imana. Kugeza ubwo inshuti ze zimugira inama yo gutuka Imana ngo ahari yamwica akavaho kuko babonaga gupfa aribyo byamurutira kubaho, ariko Yobu ati: oya gukiranuka kwanjye ndagukomeje ntabwo nzakureka, ntabwo umutima wanjye uzagira icyo unshinja nkiriho.

    Hari igihe umuntu ahura n’ibibazo akajya mumubiri neza akihakana Imana, iyo ibibazo byaje rero satani akujyana mumubiri akakwereka ko Imana wizeye ari feke ntanicyo yakumarira kubibazo ufite.

    Hari umugabo wigeze kugira ikibazo cy’inzara murugo biramucanga umugore n’abana biranga neza, ageze aho abwira Yesu ati: erega n’ubundi ndakurenganya ntiwigeze ushaka umugore ibibazo by’urugo ntabyo uzi. Hari n’uwigeze kurwara igihe kirekire arivuza biranga, abantu baramusengera uburwayi buranga, amara imyaka myinshi arwaye byaranze, satani aramusanga atangira gusenga ati: Yesu rwose ndakubabariye ntago wigeze urwara ibigeragezo by’uburwayi ntabyo uzi, iyo uza kuba wararwayeho ubu uba warankijije ubu burwayi: izo ni philosophie zipfuye z’umwijima satani ashyira mumuntu ashaka kumwihebesha, ashaka kugirango amukure ku Mana.

    Uzi ko urambagiza imyaka n’imyaka igashira utarabona fiyanse satani ntabure kukubwira ko ntabakobwa bakibaho? akakumvisha buryo ki ntanumugore uzabona? akakumvisha buryo ki ntamugabo uteze kuzabona?

    Hari igihe ugeragezwa, ugashakira Imana iburyo ukayibura ibumoso naho ukabona ntayihari, imbere n’inyuma ugaheba, bikagucanga……. Ukumva Imana ntinabaho cg ukumva niba inabaho ko ntacyo imaze ntanicyo ishoboye! Aho rero niho ugomba gutsindira satani ukamwereka ko hari icyo wamenye ku Mana yawe. Yobu we si amajwi yo mumutima gusa, n’inshuti ze n’abavandimwe, n’abo basengana,…. Bose bazaga kumubwira amagambo y’ibicantege. Yobu atangiye kumva amajwi nkayo, aba intwari rwose, arahamya: ati nubwo bimeze gutyo gukiranuka kwanjye ndagukomeje ntabwo nzakureka, umutima wanjye ntuzagira icyo unshinja nkiriho.

    Habakuki nawe ati: Naho imitini itatoha inzabibu ntizere imbuto…. Ntakabuza ko nishimira Uwiteka nkanezerwa Imana y’agakiza kanjye. Halleluaaa! Pawulo ati: ninde waduitandukanya n’urukundo rwa Kristo? ni inzara? ni ubushomeri? ni ukubura umugabo/umugore? nukubura diplome? Ni iki?

    Korali Rubonobono ifite indirimbo ivuga ngo: ntabiriho ntan’ibizaza bizantanya na Yesu. Ese ibintu tuvuga duhora turirimba tuba tubikuye kumutima? cg dupfa kuvuga ibyo tutumva neza? Ese koko ni ukuri twamaze komatana na Yesu neza kuburyo ntakizadutandukanya nawe cg dupfa kuririmba gusa?
    Hariho n’amasengesho y’ubupfapfa yadutse: ukumva umuntu arasenga ngo: Mana numpa akazi nzamenya ko uri Imana? huuuuuuuu…… nitakaguha ugirango ntizakomeza ikitwa Imana?

    Ukumva umukristu arasenga ngo: Mana niba uri Imana koko ngaho tegeka mbone akazi, ngaho tegeka mbone umugabo, ngaho tegeka mbone inkwano,………. tayari uyu muntu yamaze gutakariza Imana ikizere, imbere ye ntikiri Imana, ari kuyihinyuza gusa. Ndagirango amasengesho nk’ayo tuyasezereho. ndagirango nawe ugire guhamya nka Yobu uvuge uti: Gukiranuka kwanjye ndagukomeje ntabwo nzakurekura, Ntabwo umutima wanjye uzagira icyo unshinja nkiriho. Imana yabikora itabikora izakomeza yitwe Imana, kdi kuyihinyuza ngo nubikora nibwo ndamenya ko uri Imana ibyo sibyo byayitera gukora.

    Dore isengesho ririmo ubwenge ni iri: Saduraka Meshake na Abedenego bati: icyo tuzi nuko Imana ifite ububasha bwo kudukiza mu itanura ry’umuriro, ariko nubwo itadukiza ntampamvu yo gupfukamira ibigirwamana.. Halleluaaaa….

    Nawe senga uvuga uti: icyo nzi nuko Imana ifite ububasha bwo kumpa akazi, umugabo, umugore, inkwano, kunkiza uburwayi…… ariko nubwo itabikora gukiranuka kwanjye ndagukomeje ntabwo nzakureka.

    Mwakoze gukurikira ijambo ry’Imana, Tuzahurire mu ijuru ndabakunda cyane!

    Ev. J.Paul Munyeshyaka
    0782229144




    Ibitekerezo