WhatsApp Image 2017-12-20 at 11.05.14 PM

MUSANZE :Nyuma yo kubyara abana batatu b’impanga ,Marie Louise ariragiza Imana ngo izamufashe kubarera

Yanditswe na Imanishimwe Dieudonne December 21, 2017

Umubyeyi Nyirazamani Marie Louise w’imyaka 32 asanzwe ari mu kiciro cya 1 cy’ubudehe.Mu ijoro ryo kuwa 6 rishira ku cyumweru ngo nibwo yaje ku kigonderabuzima cya Gataraga maze akihagera ngo […]




Umubyeyi Nyirazamani Marie Louise w’imyaka 32 asanzwe ari mu kiciro cya 1 cy’ubudehe.Mu ijoro ryo kuwa 6 rishira ku cyumweru ngo nibwo yaje ku kigonderabuzima cya Gataraga maze akihagera ngo ahita afatwa maze umuganga wamwitagaho ngo abona arabyaye .

WhatsApp Image 2017-12-20 at 11.05.14 PM

Akimara kubyara uwa 1 hahise haza uwa 2 ndetse n’uwa 3 babona araje maze ngo batangarira ibibaye kuko ngo ubusanzwe kuri centre de sante batajya babyaza umuntu utwite impanga .Gusa ngo nta kundi bagombaga kubigenza kuko ngo yaje yageze igihe maze ngo ku bubasha bw’Imana yo mu ijuru abyara neza

WhatsApp Image 2017-12-20 at 11.05.16 PMwww

Tukimara kumva iyi nkuru twanyarukiyeyo cyane ko ari hafi y’umuhanda wa Kaburimbo uva Musanze ujya Rubavu kuri metero 400 uviye ku murenge wa Busogo.Umunyamakuru w’ibyiringiro.rw akihagera yasanze umubyeyi nta kibazo afite maze amusanganiza ku mubwira ko nta bushobozi afite ko ariko Imana yemeye ko bavuka ari 3 izi uko bazabaho kandi ko atabyinubira kuko ngo urubyaro ari umugisha w’Imana.

Nyirazamani yavuzeko n’ubusanzwe arya bimugoye kandi ko nta hantu agira hafatika akura amikoro .Yavuzeko umugiraneza ushaka umugisha wese yagira icyo amufasha kuko ngo bimugoye ;yanasabye ko bishobotse Leta yamurwanaho ikamugenera inkunga ndetse ngo byaba byiza akaba yahabwa inka muri gahunda ya girinka munyarwanda abana bakabona amata abatunga kuko ngo atabonsa ngo abashobore.

Yaduhamirijeko ibi bintu biri mu bushake bw’Imana kuko ngo hari babiri yari yarapfushije none ngo ikaba yabamuhereye rimwe ngo imuhoze. Uyu mubyeyi w’imyaka 32 yari asanzwe afite imbyaro 6 gusa ngo babiri barapfuye ku buryo ngo yari afite bane.Kuba yabyariye icyarimwe batatu bikaba byahise bituma yuzuza abana barindwi bahwanye neza n’imbyaro 7 ibintu bifatwa nk’igitangaza n’ubushake bw’Imana .

WhatsApp Image 2017-12-20 at 11.05.14 PM

WhatsApp Image 2017-12-20 at 11.05.08 PM

WhatsApp Image 2017-12-20 at 11.05.10 PM

 

Ndagijimana Flavien /Ibyiringiro.rw

(Visited 11,599 times, 62 visits today)



Ibitekerezo