rut

Gutekinika hagamijwe indonke n’abayoboke byongeye kubyutsa umutwe

Yanditswe na Ntirushwa Anaclet July 28, 2017

Byahereye mu bantu banyuranye bavuga ko bamwe mu bavugabutumwa b’icyi gihe baba bagamije gupfunyikira abakiristo hagamijwe kwibonera amaramuko none ubu birimo gutungwa agatoki na bamwe mu bapasteri,uyu ni Pasiteri Antoine Rutayisire […]




Byahereye mu bantu banyuranye bavuga ko bamwe mu bavugabutumwa b’icyi gihe baba bagamije gupfunyikira abakiristo hagamijwe kwibonera amaramuko none ubu birimo gutungwa agatoki na bamwe mu bapasteri,uyu ni Pasiteri Antoine Rutayisire aho avuga ko amadini y’iki gihe asigaye yaradukanye udukoryo twinshi mu gukurura abayoboke.

rut

Mu kiganiro yahaye ikinyamakuru Ibyishimo.com, Pasiteri Antoine Rutayisire yavuze ko amadini y’iki gihe atari shyashya aho asigaye yaradukanye  udukoryo twinshi mu gukurura abayoboke.

Yagize ati: “ Hasigaye hagezweho inyigisho z’uburyo bwinshi ; hari aho bakora ibitangaza, hari aho bahanura, hari aho bigisha Bililiya mu buryo bwimbitse, hari udukoryo twinshi reka abe ariko mvuga.”

Yongeyeho  ko abakurikira utu dukoryo tw’abanyamadini usanga higanjemo urubyiruko kuko abakuze usanga badapfa kwirukira kujyana n’ibigezweho kandi no kuba ari rwo rwinshi mu kujyana n’ibigezweho usanga nayo ari imwe mu ntandaro zo kwisanga muri uyu mugozi w’abanyamadini b’abashukanyi.

Nubwo ari uburenganzira bwabo Pasiteri Rutayisire   avuga ko uku gukoresha uburyo bwose bushoboka ngo Abanyamadini babone abayoboke, hakorwa amakosa menshi ashobora no gutuma abo bari basanganwe babavaho

Yasoje asaba abantu kujya bitonda bakabanza kureba neza mbere yo guhitamo.

ep

Ibi bije nyuma y’aho kandi ubwo yamaraga kwimikwa umushumba mukuru w’Itorero rya ADEPR mu Rwanda Rev. Karuranga Ephraim yavuze ko atazihanganira abavugabutumwa b’ibinyoma cyangwa abakunda kwiyita ngo ni abasatuzi bagamije indonke no kuyobya intama z’Imana.

epp

 

 

(Visited 21,240 times, 1 visits today)


Leave a Reply

Your email address will not be published. Required fields are marked *


Ibitekerezo