art

Abari hafi n’abari kure nimwegere Imana mukizwe niho Imana izabagirira neza-Habimana Celestin d’Arteignant .

Yanditswe na Ntirushwa Anaclet July 20, 2017

Aya ni amagambo ya Habimana Celestin d’Arteignant umuyobozi wa Chorale INTWARANE yo muri  ADEPR Gikondo Umudugudu wa Kigarama/Gikondo Nyenyeri kwa Rujugiro mu butumwa bw’iyi Chorale bwo kwifuriza abanyarwanda kuzagira amatora […]




Aya ni amagambo ya Habimana Celestin d’Arteignant umuyobozi wa Chorale INTWARANE yo muri  ADEPR Gikondo Umudugudu wa Kigarama/Gikondo Nyenyeri kwa Rujugiro mu butumwa bw’iyi Chorale bwo kwifuriza abanyarwanda kuzagira amatora meza.

art

Mu kiganiro Ibyiringiro.rw twagiranye na Habimana Celestin d’Arteignant umuyobozi wa  Chorale Intwarane yadutangarije ko muri icyi gihe nka Chorale Intwarane bifuriza abanyarwanda gusenga cyane no gukiranuka kugira ngo Imana ibashe kubagirira neza.

Yagize ati:”Iyo wumvise ijambo ry’Imana uva mu byaha,ugahinduka kandi iyo uri ikiremwa cy’Imana ukwiriye no gukorerwamo n’umwuka w’Imana,tuzi kandi ko Imana ibasha guhindura ibintu n’abantu bayo ikabagirira neza,turahamagarira abanyarwanda gusenga kugira ngo babone kugira neza kw’Imana”.

Yasoje asaba abanyarwanda kwitabira amatora kandi bagaharanira ko amatora azagenda neza.

Aha yagize ati:” Turifuriza abanyarwanda  gusenga cyane ,kandi ibi nibabikora bazunguka byinshi,abari hafi n’abari kure nimwegere Imana mukizwe niho Imana izabagirira neza”.

Chorale intwarane yavutse mu mwaka w’1998,itangiye ari Chorale ya nibature aho bazindukaga mu gitondo cya kare bakajya kuririmbira Imana mbere yo kujya mu yindi mirimo aho basengeraga Karugira Gikondo, mu mwaka wa 2003  ariko baje  kwimukira Kigarama aho iki gihe bari abaririmbyi 19,nyamara ariko ubu bakaba bageze ku baririmbyi 60.

Iyi Chorale ifite indirimbo10 zigenda zumvikana hirya no hino,kandi ikaba ikomeje no guhimba izindi ndetse no kuzigeza kure hashoboka .

Chorale Intwarane nyuma yo kuba Chorale ya nibature ikaza kuba Chorale yo mu materaniro ndetse kugeza n’aho isigaye yitabira ibitaramo bikomeye,nyuma kandi yo gutangira ari abaririmbyi 19 ubu iyi Chorale imaze kugera ku mubare w’abaririmbyi 60 barimo abagabo,abagore,abasore n’abakobwa.

 

 

Anaclet NTIRUSHWA//Ibyiringiro.rw

 

 

(Visited 4,472 times, 51 visits today)


Leave a Reply

Your email address will not be published. Required fields are marked *


Ibitekerezo