B

Ishyamba si ryeru muri Bible Society, umuyobozi yegujwe ku ngufu abandi barahambirizwa

Yanditswe na Ntirushwa Anaclet July 18, 2017

  Hashize iminsi mike muri Bible Society of Rwanda (BSR) humvikanye amakuru yuko hari abakozi birukanwe ndetse n’umuyobozi mukuru wayo Rev.Kayijuka Emmanuel arahagarikwa kubera imitungo yanyerejwe,aho uyu muyobozi yegujwe ku […]




 

BI

Hashize iminsi mike muri Bible Society of Rwanda (BSR) humvikanye amakuru yuko hari abakozi birukanwe ndetse n’umuyobozi mukuru wayo Rev.Kayijuka Emmanuel arahagarikwa kubera imitungo yanyerejwe,aho uyu muyobozi yegujwe ku ngufu abandibagahambirizwa kubera inyerezwa ry’umutungo

B

                     Uwari umuyobozi wa Bible Society biravugwako yegujwe ku ngufu

 

Kayijuka abajijwe ku by’uko yahagarikiwe ubushobozi buke nk’uko byatangajwe na bamwe mu bakozi ba Bible Society, yasubije ko ayo makuru atari yo. Isange.com dukesha iyi nkuru yahamagaye umwe mu bayobozi bakoranaga na Kayijuka bya hafi muri uyu muryango imubaza impamvu ya nyayo yahagaze ku mwanya we, maze uyu muyobozi utashatse ko tuvuga amazina ye asubiza ko yahagarikiwe kutuzuza neza inshingano ze ndetse n’ubushobozi buke mu kazi bityo ngo ubuyobozi bukuru (Board Members) bwa Bible Society bumutegeka ko yakwegura ku mirimo ye agasaba pansiyo mu gihe yari asigake imyaka 3 ngo ayisabe. Ubu buyobozi kandi ngo bwamubwiye ko niba adasabye pansiyo ngo buzamuha ibaruwa imusezerera nta nteguza, maze ngo ahitamo kwisabira pansiyo.

B,
                                           Rev.Ruzibiza Viateur ukuriye Board ya Bible Society

Rev.Ruzibiza Viateur ukuriye Board ya Bible Society uyu akaba ari n’umunyamabanga mukuru wa ADEPR (Inzibacyuho) abajijwe niba koko aya makuru ari yo yasubije ko Kayijuka atigeze asabwa kwegura ku ngufu ahubwo ko ari we wiyandikiye ibaruwa isaba kwegura ku bwende bwe ndetse ko n’amakuru makuru atari ayo yose avugwa muri uyu muryango ari ibihuha.

Gusa amakuru yizewe avuga ko muri Bible Society haba haranyerejwe amafaranga mesnhi cyane kandi byose bikozwe n’abatekinisiye bakoranaga na Kayijuka maze ubugenzuzi bw’Imali (Audit) bwaza bugasanga amafaranga yaraburiwe irengero, bityo ngo aba batekinisiye bakegeka aya makosa kuri Kayijuka. Aya makuru avuga ko Kayijuka akimenya irengero ry’aya mafranga ngo yahise asaba kwegura ku giti cye ariko kugira ngo bitamenyekana, hahimbwa ikinyoma cy’uko ari we waba warayanyereje kandi byarakozwe n’abatekinisiye.

Nyuma y’ibyo byose ngo habayeho guterana amagambo mu baterankunga ku buryo ngo aba batekinisiye baregaga Kayijuka ku baterankunga bamushinja kwiba aya mafranga nawe agahora yisobanura ko ari umwere,

Hari kandi amakuru avuga ko haba hari n’abandi bakozi birukanwe muri uyu muryango wa Bibiliya mu Rwanda kubera gukekwaho gukoresha nabi amafranga n;andi makosa.

B
Rev.Kayijuka Emmanuel uvugwaho kuba nyirabayazana w’imicungire mibi

Rev.Kayijuka Emmanuel uvugwaho kuba nyirabayazana w’imicungire mibi ari nayo yatumye yeguzwa we arabihakana akavuga ko ngo yasabye ikiruhuko .Yagize ati “Sinigeze negura ahubwo nasabye kujya mu kiruhuko cy’iza bukuru”.

Nyamara ariko bivugwa ko Rev.Kayijuka akimara guhagarara ku kazi yahise asimbuzwa  na Past. Mukamakuza Tereza wo mu Itorero rya EPR Zinga.

 

 

Anaclet NTIRUSHWA

 

 

 

(Visited 22,665 times, 1 visits today)


Leave a Reply

Your email address will not be published. Required fields are marked *


Ibitekerezo