pap1

Kiliziya Gatolika ishobora kujya ihagarikira amasakaramentu abafatiwe muri ruswa

Yanditswe na Ntirushwa Anaclet June 19, 2017

Kiliziya Gatolika ishobora gufata icyemezo cyo kujya ihagarikira amasakaramentu ndetse igaheza muri gahunda zayo umuntu wese uzajya afatirwa mu bikorwa bya ruswa cyangwa mu matsinda y’abanyabyaha barimo abacuruza bakananywa ibiyobyabwenge […]




Kiliziya Gatolika ishobora gufata icyemezo cyo kujya ihagarikira amasakaramentu ndetse igaheza muri gahunda zayo umuntu wese uzajya afatirwa mu bikorwa bya ruswa cyangwa mu matsinda y’abanyabyaha barimo abacuruza bakananywa ibiyobyabwenge azwi nka ‘Mafia’.

pap0

Iyi ngingo yagarutsweho mu biganiro Mpuzamahanga kuri ruswa byabereye i Vatican, bikitabirwa n’abagera kuri 50 biganjemo abahagarariye Kiliziya Gatolika mu bihugu bitandukanye, abacamanza n’abahagarariye Polisi, hagamijwe gufata ingamba zo kurwanya ruswa.

Iri tsinda ryasabwe na Papa Francis gukora ubugororangingo bw’inyandiko izifashishwa mu gusubiramo amwe mu mahame agenga kiliziya harimo no guhagarikira amasakaramentu abagaragaweho ruswa n’aba-mafia.

AFP itangaza ko iri tsinda ryemeranyije akamaro k’ubufatanye mu kurandura ruswa, aho Kiliziya Gatolika yavuze ko igihe kigeze ngo abagaragaye mu bikorwa bya ruswa n’iby’ubugizi bwa nabi bizwi nka ‘Mafia’ bajye bahanishwa guhagarikirwa amasakaramentu banahezwe mu bikorwa byayo.

pap

Iki gihano nigishyirwa mu bikorwa kizaba ari icya mbere gikomeye mu mahame ya Kiliziya Gatolika. Ubusanzwe hari abapadiri bagiye bahagarikira amasakaramentu abagaragayeho ibikorwa bw’ubugizi bwa nabi muri Silicy cyangwa Campania mu Butaliyani ariko nta tegeko ribisobanura neza.

Musenyeri Michele Pennisi wa Monreale witabiriye iyi nama, yavuze ko bafashe iki cyemezo nyuma yo gusanga bakwiye kugira amabwiriza amwe n’ibindi bice byo mu Butaliyani n’ahandi ku Isi.

Yagize ati “Itsinda ry’inzobere ryagaragaje ibibazo by’abatwara ibiyobyabwenge muri Colombia na Mexique, dukeneye igihano kizajya gikoreshwa ku rwego rw’igihugu no ku rwego mpuzamahanga.”

pap1

Papa Francis akunze kugaragara cyane mu kurwanya ruswa. Mu 2014 yasuye itsinda ry’aba-Mafia muri Ndrangheta mu Butaliyani ababurira ko gucibwa muri Kiliziya aricyo gihano kizajya gihabwa ufatiwe muri ibyo bikorwa.

Umushinjacyaha Mukuru wo mu gace ka Calabria, yavuze ko iki gihano cya Kiliziya hari umusanzu kizatanga mu guhangana n’ibyaha bya ruswa n’ubwigomeke.

src:igihe.com

 

 

(Visited 7,767 times, 1 visits today)


Leave a Reply

Your email address will not be published. Required fields are marked *


Ibitekerezo