dfranc(1)

Ku nshuro ya 3 Nyuma yo gutorwa kwe muri 2013 umushumba wa Kiriziya Gaturika yimitse abacardinal 17

Yanditswe na Imanishimwe Dieudonne October 11, 2016

Abakaridinali bafatwa nk’ibikomangoma bya Kiliziya, mu bubasha bakaba bakurikirana na Papa ndetse bagakora nk’abajyanama be ku Isi n’i Vatican. Gushyiraho abakaridinali ni imwe mu nshingano n’ububasha bya Papa. Mu bo […]




Abakaridinali bafatwa nk’ibikomangoma bya Kiliziya, mu bubasha bakaba bakurikirana na Papa ndetse bagakora nk’abajyanama be ku Isi n’i Vatican.

dfranc(1)

Gushyiraho abakaridinali ni imwe mu nshingano n’ububasha bya Papa. Mu bo Papa Francis yashyizeho, harimo abatagejeje imyaka 80 bemerewe gutorwamo uzamusimbura igihe azaba yapfuye cyangwa yeguye.

Ejobundi  ku cyumweru tariki 9 Ukwakira 2016, Papa yashyizeho Abakaridinali bashobora kuzatorwamo Papa bakomoka mu Butaliyani, Repubulika ya Centrafrique, Leta Zunze Ubumwe za Amerika, Brazil, Bangladesh, Venezuela, U Bubiligi, Mauritius, Mexique no muri Papua New Guinea.

dfranc1

Nkuko Reuters ibitangaza, Umukaridinali umwe muri bariya 13 bemerewe gutorwamo Papa, azakorera i Vatican abandi bakomeze imirimo yabo aho basanzwe bakorera.

Abakaridinali bane barengeje imyaka 80, bahawe uyu mwanya nk’ikimenyetso cy’icyubahiro cyo kubashimira imirimo bakoreye Kiliziya. Barimo Padiri Ernest Simoni w’imyaka 88 wo muri Albania wafunzwe imyaka myinshi akoreshwa n’imirimo y’agahato ku ngoma y’umunyagitugu Enver Hoxha.

dfranc2

Ibirori nyir’izina byo kuzamura abo bakaridinali mu ntera biteganyijwe kuwa 19 Ugushyingo 2016. Papa Francis amaze gushyiraho abakaridinali 44 bemerewe kuba batorwamo umusimbura we, ibi binyuranyije n’Itegeko rya Kiliziya ko mu bakaridinali 120 bemewe hagomba kuba harimo abatarenga 40 batorerwa kuba Papa.

dfranc3

Ni ku nshuro ya gatatu ashyizeho abakaridinali kuva yatorwa muri 2013, nk’umushumba wa Kiliziya udakomoka ku mugabane w’u Burayi mu myaka 1300, akaba abashyiraho kugira ngo Kiliziya ifashe aho itaragera cyangwa ibice bitandukanye by’Isi, aho irimo gutotezwa.

Aha twavuga nko muri Centrafrique, Bangladesh, Papua New Guinea, Malaysia na Lesotho bagize umukaridinali bwa mbere mu mateka ku buyobozi bwa Papa Francis

 

Christian

(Visited 7,875 times, 1 visits today)


Leave a Reply

Your email address will not be published. Required fields are marked *


Ibitekerezo