1442841933_ubald

Padiri Ubald ukoreshwa n’ Imana ibitangaza ni muntu ki?

Yanditswe na Imanishimwe Dieudonne August 12, 2016

Padiri Rugirangoga Ubald yamenyekanye cyane kubera ibikorwa byiganjemo ibyo gusengera abarwayi bagakira. Amaze imyaka irenga 32 yarihaye Imana aho kuri ubu ari Umupadiri muri Diyoseze ya Cyangugu ariko agakunda kuba […]




Padiri Rugirangoga Ubald yamenyekanye cyane kubera ibikorwa byiganjemo ibyo gusengera abarwayi bagakira. Amaze imyaka irenga 32 yarihaye Imana aho kuri ubu ari Umupadiri muri Diyoseze ya Cyangugu ariko agakunda kuba ari no mu bindi bice by’igihugu aho aba ategerejwe n’abantu benshi ngo abasengere.

ubald

Yavukiye ahahoze ari muri Perefegitura ya Cyangugu (mu Ntara y’Iburengerazuba), Komini ya Karengera muri Segiteri ya Rwabidege muri Paroisse ya Mwezi. Hari muri Gashyantare 1955.

Yize amashuri abanza i Rwabidege kuva 1962 kugera 1968. Ayisumbuye yayigiye mu iseminari nto yitiriwe Mutagatifu Piyo wa cumi i Nyundo kugera mu 1973 aho yaje kwirukanwa azira ubwoko bwe, ajya kuyakomereza i Burundi.

BANNER 1050 100

Yagarutse mu Rwanda mu mwaka wa 1978, aza gukomeza mu iseminari nkuru ya Nyakibanda. Yahawe isakaramentu ry’Ubusaseridoti tariki ya 22 Nyakanga 1984, abuherwa i Mwezi. Yemeza ko yabaye Padiri kuko yumvise ijwi rimusaba kwigisha urukundo mu Rwanda. Yaje kurokoka Jenoside yakorewe Abatutsi ariko benshi mu muryango we barimo na nyina barishwe. Se umubyara, we yishwe mbere ahagana mu mwaka wa 1970 azira ko yari umututsi.

 ubald

Ikiganiro kirambuye na Padiri Ubald

IBYIRINGIRO: Ubusanzwe Padiri Ubald ni muntu ki?

Padiri: Padiri Ubald Rugirangoga ni uwo muri Diyoseze ya Cyangugu, Maze imyaka 32 ndi Umusaseridoti(Padiri) nkaba narakunze gusengera mu Bakarisimatike(charismatique) bakoreshwa n’ingabire za Roho Mutagatifu.

IBYIRINGIRO: Akenshi usanga aho mwagiye hose kuyobora isengesho muvuga ko hari abakize uburwayi runaka, biba byagenze gute?

Padiri : ( aseka ), ubundi Yezu ni umukiza, Yezu biva ku ijambo Yeshuwa mu gihebureyi(Manirakiza). Yezu rero ni umukiza akiri kuri iyi si yakijije abantu barabibona kandi asiga abwiye abigishwa be ati “abazanyemera, muzakora nk’ibyo nakoze ndetse murenzeho kuko nsubiye kwa Data, muzaramburira ibiganza ku barwayi bakire.”

Yezu ni umukiza, abasenga barasaba Yezu agakiza, we wababwiye ngo nzabana namwe iminsi yose kugeza Ibyiringiro isi izashirira. Iyo ubyemera rero ukabikora mu kwemera Yezu agombe abikore.

IBYIRINGIRO: Ariko ubwo nta banga ryihariye mufite ko usanga Abapadiri bose atari ko basengera umuntu agakira?

Padiri: Hari ingabire yo gusabira abarwayi n’iy’ubumenyi. Iyo turimo gusenga njyewe hari ibyo nerekwa, ibyo umuntu abona n’ibyo yumva.

Abibona nk’ureba filimi akumva n’ijwi rimubwiye, hanyuma ibindi akumva ari nk’ikiganiro kije mu mutima we.

Burya iyo ndimo gusoma misa ntagatifu, cyangwa nyoboye isengesho ryo gusabira abarwayi hari byinshi mba ngenda numva.

Ingabire y’ubumenyi niyo akenshi ituma abantu bankurikirana aho ngiye. Ubundi abantu bishyize hamwe bagasenga Yezu uko byagenda kose arabakiza.

IBYIRINGIRO: Iyo ngabire mwayibonye gute?

Padiri: Twamaze imyaka ine dusenga, abantu bakira ariko bakaza kubitubwira nyuma. Mugasenga nyuma y’ukwezi, abiri, ibyumweru, umuntu akaza avuga ngo njyewe nari ndwaye sinzi Ibyiringiro nakiriye ariko nakiriye mu isengesho ryanyu.

Uyu murimo nawutangiye mu 1987, ndi umupadiri w’umusore, muri Kamena 1991 nibwo ibyo kubona amashusho no kumva amajwi mu mutima byatangiye. Urumva byaje maze imyaka ine, ariko muri iyo myaka ine nsabira abantu barazaga bakambwira ko bakize.

IBYIRINGIRO: Bwa mbere mubibona, byaje gute?

Nagiye kubona mbona ibimeze nk’amashusho, mbona ikirenge kije mu kirere, kimeze nk’inzoka. Iyo ushimira uba uhumirije nabanje gusubiza inyuma, cyari kiri mu mutima kuko abandi batakibonaga, noneho kigeze imbere yanjye numva ijwi rimbwira ngo ikirenge ni icy’ibumuso kimurya mu nsi y’amano hamurya nk’ahari ibisebe ariko ntabirimo, kiba kiragiye.

Icya kabiri kari agahanga nyirako yarwaraga isereri, mbona agatuza karimo gusimbuka k’umuntu urwaye umutima, icyo gihe nabonye n’ikibuno kiriho ibiheri byinshi, numva ijwi rimbwira ko uwo muntu bimubuza kwicara ku ntebe.

Bwari ubwa mbere bimbayeho sinari nzi ibyo ari byo ariko uko twarimo gusenga mbaza abari aho nti ese haba hari umuntu ufite ikirenge cy’ibumoso munsi y’amano hamurya nk’ahari ibisebe?

Umugore ati ndi hano, njyewe naje ntabasha gukandagira, ati ariko ndimo gusenga nabaye nk’ukandagira numva bigiye gukunda.

Yahise amubwira gukandagira ngo yumve, afite ubwoba ahita avuga ati “Ndakize.”Abakize muri ibyo bitangaza bose baje kwigaragaza, uretse uw’ikibuno wanze kwigaragaza kuko yumvaga biteye isoni ariko nyuma yaje kundeba arabimbwira.

BANNER 1050 100

Uw’ingumba nawe yaje kundeba nyuma, amaze imyaka 7 yarabaye ingumba yarananiwe kongera gusama, na mbere yaho yari yarabyaye abana babiri bapfa.

Mu bakize kandi harimo n’uwari ufite ukwemera guke wavugaga ko gusenga no kudasenga ari kimwe, yari afite umwana muganga yari yahaye umunsi wo kugaruka (Rendez-Vous) bakamuca akaguru ariko yaje mu isengesho tumubwira ko umwana akira mu kwemera kw’ababyeyi, abwiye umugabo we ngo bajye kureba Padiri umugabo avuga ko ashinyagura kuko byanze bikunze bazagaca ariko byarangiye nyuma y’icyumweru kakize neza.

Uko nsenze mbona ibintu no muri buri misa nsomye mbona ibintu byinshi.

IBYIRINGIRO: Ariko se ko aho muyobora isengesho haza urujya n’uruza rw’abantu, bose barakira?

Padiri : Udakize ku mubiri akira ku mutima. Mu misa iyo ubajije ngo abumva ko Yezu abakijije nibazamure intoki, hazamura benshi. Hari ikintu kiba gihundutse mu mutima, hari abafata icyemezo cyo gutanga imbabazi, cyo guhinduka n’ibindi.

Mu isengesho riherutse mu Karere ka Kicukiro hari uwafashe icyemezo cyo kugaragaza aho imibiri y’abishwe muri Jenoside iri.

Abakira ku mutima nibo benshi ni nacyo umuntu aba ashaka.

IBYIRINGIRO: Hari indwara zidakira, SIDA, Diyabete, Kanseri n’izindi nazo iyo musenga zirakira?

Padiri: Zirakira. Abantu bahora batanga ubuhamya, i Gikondo bigeze kubutanga, i Nyamirambo bigeze kubutanga, mu minsi ishize i Cyangugu barabutanze.

Urugero rwa hafi ni umusore wagiye kwisuzumisha agasanga afite virusi itera SIDA, yahise afata umwanzuro wo kudashakana n’umukobwa biteguraga kubana. Umukobwa yaramuhendahenze amubwira ko yamukunze azemera akamubera igitambo.

Umukobwa yagiye mu isengesho aramusabira, yumva ngo hari umusore wajyanye n’umukobwa kwipimisha SIDA, barayimusangana, uwo mukobwa waje kumusabira agende amubwire ko yakize.

Yaragiye arabimubwira ajya kwipimisha avuga ko aje ku isezerano ry’Imana ko yakize SIDA, Abaganga baguye mu kantu bavuga ko imugeze mu bwonko bihutira gutabaza nyamara basanze ari muzima nyuma yo kumupima kenshi n’ahantu hatandukanye.

Umubikira wamusuzumye bwa nyuma, yaramubwiye ngo Imana usenga ujye uhora uyisingiza, dusanze nta SIDA urwaye. We na wa mukobwa ubu barashyingiwe.

IBYIRINGIRO: Umuntu ajya kumva ngo i Kigali hazabera isengesho riyobowe na Padiri Ubald, rikabera ahantu nka hane, Nta munaniro muhorana?

Padiri: Njyewe ntacyo bimbwiye. Donc, Mieux vaut mourir usé que rouillé (Nahitamo gupfa ntagangaye nkora aho kugira ngo nicwe n’umugese.)

Ufashe imodoka ukayishyira ahantu utayigendesha nyuma y’umwaka ugashaka kuyigendesha usanga yaratoye umugese ntigende, ariko uyigendesha iba irimo gukora ibintu byinshi igasaza yerekanye ibikorwa.

Nahisemo kuzapfa ntagangaye ariko nerekana ibikorwa aho kugira ngo nzapfe nishwe n’umugese wo kudakora.

IBYIRINGIRO: Ko mugira gahunda nyinshi z’isengesho, ubwo umuntu ubashaka yababona?

Padiri: Ni gahunda ipangwa mbere, bambwira mbere. Nk’ubu nzajya muri Amerika muri Nzeri nsubireyo muri Gashyantare umwaka utaha.

I Burayi naho nateguye Ibyiringiro cyo kujyayo muri Gicurasi na Kamena umwaka utaha, hose ndahasaranganya.

IBYIRINGIRO: Murakoze cyane

Padiri: Murakoze namwe.

Hari abatanga ubuhamya ko bakiriye mu isengesho riyobowe na Padiri Ubald

Benshi bemeza ko bakiriye mu isengesho riyobowe na Padiri Ubald, bishimangirwa na Niyibizi Verena wo mu Karere ka Kicukiro, watangarije IBYIRINGIRO ko yari amaze imyaka irenga icyenda arwaye umutima.

Ngo yari yarivurije mu bitaro bikomeye byo mu Rwanda, yoherezwa muri Kenya ntiyakira aza koherezwa mu bindi bitaro byo mu Bubiligi no mu Budage. Ubwo yari aziko akize, ngo yahuye n’ikibazo cyo gutangira kuva amashyira n’amaraso aho bamutoboye bamuvura.

BANNER 1050 100

Ibyo ngo byaje kumuviramo ubumuga atangira kujya atwarwa mu igare kuko yari yararwaye rubagimpande (Paralyse).

Verena avuga ko yari amaze gutanga miliyoni zirenga 30 z’amafaranga y’u Rwanda yivuza.

Ariko ngo umunsi umwe, ari mu isengesho ryari yiyobowe na Padiri Ubald i Gikondo ngo nibwo yakize.

Mu magambo ye yagize ati “ Nagiye kumva Padiri aravuze ngo hari umubyeyi babaze, Yezu aramukijije. Amagufa yanjye arakocagurika, umunwa wari warahengamye uragaruka, akaboko karagaruka, ku cyumweru ku wa mbere ku wa kabiri ngiye kwisuzumisha basanga nakize. Nongeye gutwara imodoka yanjye. Iyo ndwara yari yaranteye diyabete n’amaso byose byarakize

(Visited 11,142 times, 1 visits today)


Leave a Reply

Your email address will not be published. Required fields are marked *


Ibitekerezo


  • Yvan

    Glory be to God, keep thanking him brothers and sister....God bless you Blessed Worship team, you made me happy kbsa. HALLERUJAH