• 37129-couple-taking-selfie-1200.1200w.tn

    Ibintu wakora mu kugaragariza uwo mwashakanye ko umukunda nyabyo (Igice cya gatatu)

    Yanditswe na Imanishimwe Dieudonne March 19, 2019

    Mu gice cya mbere cy’iyi nkuru isobanura ibintu wakora mu kugaragariza uwo mwashakanye ko umukunda nyabyo, twari twagarutse ku mbaraga z’amagambo yo gushima mu kubaka urukundo rw’abashakanye. (SOMA IGICE CYA […]




    Mu gice cya mbere cy’iyi nkuru isobanura ibintu wakora mu kugaragariza uwo mwashakanye ko umukunda nyabyo, twari twagarutse ku mbaraga z’amagambo yo gushima mu kubaka urukundo rw’abashakanye. (SOMA IGICE CYA MBERE HANO: Ibintu wakora mu kugaragariza uwo mwashakanye ko umukunda nyabyo (Igice cya mbere). Muri gice cya kabiri twari twagarutse cyane ku byo kubabarira (SOMA IGICE CYA KABIRI HANO: Ibintu wakora mu kugaragariza uwo mwashakanye ko umukunda nyabyo (Igice cya kabiri) , muri iki gice cya gatatu bwo turareba izindi ngingo za ngombwa mu kubaka urukundo n’imibanire myiza hagati y’abashakanye.

    37129-couple-taking-selfie-1200.1200w.tn

    Muri iki gice turakomeza tureba ibindi bintu bituma abashakanye banezezanya kugirango urukundo rwabo rusagambe. Ni ngombwa ko bagira igihe cyihariye bari hamwe kuko buri wese akeneye ko abona undi amwitayeho amatega amatwi, muri iki gice nkaba nabyise GUHA UWO MWASHAKANYE UMWANYA MWIZA WIHARIYE.

    Guha uwo mwashakanye Umwanya mwiza bishaka kuvuga guha mugenzi wawe wowe ubwawe atari ukwicara muri salon mureba TV hamwe kuko iyo muri gukoresha umwanya wanyu murimo kureba TV, ubwenge n’ibitekerezo byanyu biba byibereye kuri iyo TV ntabwo biba biri kuri mugenzi wawe. Mugomba kwicarana muri mwenyine kandi nta kindi muhugiyeho uretse kuganira mugaragarizanya urukundo, muvuga ku by’ubuzima bwanyu nk’abashakanye kuburyo n’uwaba afite ikibazo abona umwanya wo kukibwira mugenzi we bakabiganiraho.

    Guha umwanya wihariye uwo mwashakanye bishaka kuvuga nko kwicara muri salon TV izimije murebana akana ko mu jisho cyangwa se gufata akanya mugasohoka mukajya gusangira, nta kindi kibahuza uretse kuba buri umwe aba ahugiye kuri mugenzi we amuha umwanya wo kumutega amatwi no kumugaragariza ko ari uw’agaciro.

    Iyo umugabo yicaranye n’umugore akamuha iminota 45 amwitayeho ari kumwumva kandi n’umugore nawe ari uko, bose baba bari guhana iminota 45 y’ubuzima bwa buri muntu. Ntabwo icyo gihe umugabo aba ari kumubwira ibyo yasomye mu binyamakuru cyangwa ibyo yumvise ku maradio cyangwa ibyo yabony kuri television ahubwo aba ari kumureba mu maso amwitayeho, aba arimo gukora ikintu kimunezeza, bikaba ari amarangamutima akomeye mikurire y’urukundo rw’abashakanye.

    Umuti umwe ntabwo ushobora kuvura uburwayi bwose niyo mpamvu habaho imiti inyuranye cyangwa se ikaba imiti ivanze bakuye mu miti itandukanye. Akaba ari yo mpamvu njya gutangira ikigisho cya mbere nabanje kukubaza ibibazo bibiri:

    1. Mbese waba uzi ibikorwa by’urukundo uwo mwashakanye yagukorera bigatuma urushaho kumukunda ?

    2. Mbese waba uzi ibikorwa by’urukundo wakorera uwo mwashakanye bigatuma anezerwa, akumva ko umukunda?

    Ikiryoshya guha uwo mwashakanye igihe cyihariye ni ukumwumva umuhanze amaso kandi umutima wawe ndetse n’ibitekerezo biri kuri we ariko cyane cyane ahantu hari ibintu birangaza. Mu gihe umupapa yicaye hasi muri salon bakina agapira n’umwana w’imyaka 2, ibitekerezo bye ntabwo biba biri ku mupira ahubwo biba biri kuri uwo mwana. Mu gihe uwo mu papa yaba ari gusunika ako gapira kandi ari no kuvugira kuri phone icyo gihe ibitekerezo bye ntabwo biba biri kuri uwo mwana.

    gospel-5-1

    Abagabo bamwe n’abagore babo bibwira ko baboresha igihe cyabo hamwe kuko baba mu nzu imwe mu mwanya umwe (mu masaha amwe) ariko ntabwo baba bari kumwe. Iyo umugabo ari kwandikira umugore message cyangwa kuvugana nawe kuri telephone ntabwo aba ari kumuha igihe cy’ubuzima kuko ataba ari gukoresha ubwenge n’ibitekerezo bye bitaba biri kuri we.

    Gutanga umwanya wihariye ku wo mwashakanye ntabwo bivuga kuba muri hamwe mukoresha igihe cyanyu murebana mu maso gusa ahubwo ni ugukora ikintu hamwe kandi kuburyo buri wese ibitekerezo bye biri ku wundi ntakindi kiri kumurangaza. Mu gihe umugabo n’umugore barimo gukina urugero Tennis bari hamwe ibyo byerekana guhana igihe kuri buri wese ntabwo biba ari ugushyira ibitekerezo kuri uwo mukino ahubwo biba biri ku gikorwa cyo gusangira igihe cyawe na mugenzi wawe.

    Ibyo kandi bigakurikirwa n’ibikorwa byerekana ko buri wese ari kwita kuri mugenzi we, kuko bose bari kunezerwa n’uko buri wese ari kumwe n’undi, kandi bose basa nk’aho bari gukora ibintu bimwe.

    Iyo uwo mwashakanye anezezwa no kumuha umwanya wihariye bizagusaba nabwo kumenya uburyo muganira kuko akenshi bisaba kumutega amatwi kandi ukamwereka ko uri kumva amarangamutima ye. Ndagirango nguhe ibintu bizagufasha muri icyo gihe.

    1. Bizagusaba kumureba mu gihe ari kukuvugisha, ibitekerezo byawe ugomba kubiganisha kuri we

    2. Ntugashake kumva ibyo uwo mwashakanye ari kukubwira uri kwikorera ibindi. Iyo urimo gukora ibindi ntushobora kuvana ibitekerezo byawe kuri byo ako kanya, bizagusaba kumubwiza ukuri, ukamubwira uti: nibyo ndabona ko ushaka kuvugana najye ndabyishimiye ariko ndashaka kukumva neza. Kubera ibyo ntabwo nabikora kano kanya ariko ubaye ushobora kumpa iminota 15 nkabirangiza, ndaza kwicara hasi nkumve. Bamwe barabyubahiriza nta kibazo.

    3. Genzura uko yitwara arimo kukubwira: hari igihe aba ari gukubita mu biganza bye, ari kurira, ugomba gukurikirana ibimenyetso ari kuguha bizagufasha kumenya uko amerewe (feeling).

    Izindi nama nakugira igihe uzaba umaze kumenya ko uwo mwashakanye akunda guhabwa umwanya wihariye bizagusaba nabwo ibi bikurikirana:

    • Kujyana nawe gutembera mugenda n’amaguru hafi y’aho muhuye.
    • Niba mutuye mu mujyi mushobora kujya gutembera muri City Park, mushobora nabwo kujya ahantu hari Rose garden mukajya muvugana ku mabara yayo, ayo akunda n’impamvu yabyo.

    Ushobora kubwira uwo mwashakanye kukwandikira ibintu runaka bikunda kumunezaza, maze numara kubimenya wihe intego yo kujya byibura ukora kimwe buri kwezi ku mezi atanu akurikirana. Ugomba gutekereza ibintu mugenzi wawe bimunezeza kurushaho ariko kuri wowe bitakunezeza cyane. Umubwire ko ushaka ko buri rimwe mu kwezi ushaka kuzajya ujyana nawe. Imana ihe urugo rwanyu umugisha.

    eustashe
    Ev. Eustache Nibintije

     

    Iri jambo muritegurirwa kandi mukarigezwaho na Rev./Ev. Eustache Nibintije, Umunyeshuri wa Patriots Bible University yo muri Leta Zunze Ubumwe za Amerika.

    Tel: +14128718098
    Email: estachenib@yahoo.com



    Leave a Reply


    Ibitekerezo