• ni eust  ishuli

    GIRA IHISHURIRWA MURI IBYO BIBAZO BYAWE-Rev. Nibintije

    Yanditswe na Imanishimwe Dieudonne July 17, 2019

    Yohani 16:13 “Uwo mwuka w’ ukuri naza azabayobora mu ukuri kose kuko atazavuga kubwe, ahubwo ibyo azumva ni byo azavuga, kandi azababwira ibyenda kuba.” Yesu yaravuze ati” Umwuka wera azabayobora […]




    Yohani 16:13

    “Uwo mwuka w’ ukuri naza azabayobora mu ukuri kose kuko atazavuga kubwe, ahubwo ibyo azumva ni byo azavuga, kandi azababwira ibyenda kuba.”

    Yesu yaravuze ati” Umwuka wera azabayobora mu ukuri,  ntabwo azabayobora mu ukuri ku ibintu bimwe gusa cyangwa ku ibijyanye no mu uburyo bw’ umwuka gusa ahubwo azabayobora mu ukuri kuri buri kintu cyose.

    Niba uri umuntu ukora ubucuruzi,  bivuga ko Umwuka uzakuyobora kugira ngo ubashe kwongera inyungu wabonaga buri munsi, azakuyobora mu ukugabanya amafaranga ya (Depense or expenses).

    Niba uri “umu mama” umwuka wera uzakwereka uburyo washyiraho ibintu byafasha abana bawe mu kugira imico myiza ndetse no kumvikana mu urugo iwawe.

    Niba uri umunyeshuri, Umwuka wera azakwereka uburyo washobora kwiga maze ukabasha gutsinda amasomo yawe.

    Niba uri umuntu ufite ikigeragezo runaka, umwuka wera azakwereka uburyo ugomba kwitwara muri icyo kigeragezo neza kandi inakwereke inzira nyayo yo kugisohokamo.

    Niba muri marriage yawe bitameze neza, umwuka wera azakwereka uburyo ugomba kwitwara imbere y’ uwo mwashakanye bityo amahoro aboneke mu urugo rwawe.

    Niba utarabona uwo murushingana , ni ukuvuga ko, umwuka wera azakwereka kandi akuyobore ahantu wanyura kugira ngo muhure n’ uwo Imana yakugeneye kuzarwubakana.

    Niba uri umu mama cyangwa umu papa uwo mwashakanye akaba yaragutaye , umwuka wera azakwereka uburyo ugomba kwitwara mu gihe uzaba uri gutegereza isaha y’ Imana yo kumugarura.

    Niba wari ufite business igahomba, umwuka wera azakwereka uburyo ugomba gukora mu ihishurirwa ryawo inzira ugomba kunyuramo kugira ngo ubashe kugaruka mu ubucuruzi bwawe.

    Niba uri umukozi ariko mu kazi bikaba bidahagaze neza, cyangwa karangiye, umwuka wera azakwereka inzira uzanyuramo kugira ngo ubashe kubona akandi kazi kandi keza.

    Niba muri iyi minsi ufite ikibazo cyibyo kurya no kwambara, umwuka wera azagufasha ku kwereka ahantu ugomba kunyura kugira ngo ubasheguhura n’ uwo Imana yateganije wakubera umugisha.

    Niba uri umusilikare,  umwuka wera azakuyobora muri urwo rugamba kugira ngo intsinzi itahe mu uruhande rwawe.

    Nshuti yange, niba uzi Yesu Kristo ukaba warabatijwe mu umwuka wera,”aho muri wowe “hari igisubizo ku ikintu cyose kijyanye amafaranga cyangwa ubutunzi, hari ikintu cyose kijyanye n’ ibibazo byo mu uburyo bw’ umwuka ndetse n’ ibibazo bijyanye n’ umubiri byose biraho muri wowe.

    “Ufite ibisubizo by’ ibibazo byose ndetse nibyo utazi uko ufite “

    Mu myaka 3 ishize ubwo nari ndi kwiga isomo ryitwa “ Amateka y’ ubukristo muri Amerika”

    umwarimu watwigishaga muri icyo gihe yatubwiye ku nkuru yo mu ntambara ya kabiri y’ isi yose,  uko abanyamerika bagize ikibazo gikomeye muri iyo ntambara, ubwo ubwato bwabo bw’ intambara abo baribahanganye baburasheho bakabumena. Mu igihe  muri iyo myaka byagombaga gufata umwaka wose kugira ngo babashe kuba bakubaka ubundi.

    Bikaba byarasabaga kuba bafite ubwato buri munsi kugira ngo babashe kurangiza mission yabo. Haje kuboneka ubundi buryo bwo kuba basana ubwo bwato bakaba babwifashisha.
    Ariko nubwo hari habonetse ubundi buryo bwo kubwifashisha bari bakeneye uwabasha kubaha uburyo bwabafasha guhuza ubwo bwato.

    Icyo kibazo cyasabaga umuntu w’ umunyamwuka, ufite umwuka wera muri we kugira ngo abashe guhishurirwa iyo forumile.

    Muri goup yabo basirikare hakaba harimo umugabo wize ibijyanye n’ inganda kandi ukijijwe kandi wabatijwe mu mwuka Wera.
    Ubwo uwo “murokore” Mwenedata arababwira ati “ Nzamenya uko bizakorwa, gusa mu mpe iminsi nk’ itatu mbaze nsubize ubwenge mu ubundi, mbaze mfate iminsi itatu mu amasengesho”.

    Nyuma yo gusenga aniyiriza  ubusa, agaruka Imana yamuhishuriye ( The welding formula that would hold the ship together).
    Reka mbahe nindi nkuru nayo nakwita (Cas speciale) Imana ijya ikora kugira ngo ifashe abantu bayo.

    Hari umuntu nabwo wanganirije ku ntambara yigeze kubera mu mu uturere tw’ iwacu maze  ambwira ko hari igihe intambara yabaye akadashoboka ku uburyo abakamanda bari bizeye batabashije kwerekana umusaruro bari babatezeho , muri make byayoberanye nuko haza kuboneka undi mu kamanda wagize ihishurirwa nubwo yari ahantu bameze neza nkaha ndi muri Amerika.

    Kubera iryo hishurirwa ndetse no gukunda igihugu ngo aragira ati” Reka manuke njye gushyira mu ibikorwa ibyo ndikwiyumvamo bijyanye na kiriya kibazo.

    Ubwo yaramanutse abafashisha ubwo bumenyi ibyari byazambye biratungana maze intsinzi iba irabonetse.

    Umva icyo nshaka kuvuga aho, Imana ikora ibintu byayo uko ibishaka hari n’igihe Imana iha umuntu impano ku igikorwa runaka gifitiye inyungu abantu bayo bitasabye uwo muntu kwirirwa mu ibyumba by’ amasengesho cyangwa kuba yaragize umurimo w’ Imana umwuga we.

    Akaba ariyo mpamvu Ijambo ry’ Imana rivuga ko dukwiriye kubaha abayobozi bacu. Iyo Imana ishyizeho umuyobozi muri ubwo buyobozi bwe umushyiramo umwuka wayo w’ ubwenge bumushoboza gukora iyo nshingano ahawe.

    Mu iminsi mike hari ikibazo cyavutse mu bice by’ Iwacu nabwo kijyanye n’ ibintu bimeze nk’ Intambara, uruhande rumwe rukajya rwisararanga ruti ” twafashe aha, urundi rukicecekera nkajya byibazaho ariko nzakugira ihishurirwa runaka kuri byo,  maze nzakumenya ko nabwo ari ihishurirwa ritanga ubwenge mu ibijyanye n’ intambara. Nyuma hashize iminsi nzakumva rwarusaku rurarangiye. Ndavuga nti “ IMANA ISHIMWE “

    Niba muri iyi minsi uri guhangana n’ ibibazo ntukagerageze gushaka kwirwanirira ubwawe ahubwo “Fata Yesu Kristo”mu ijambo rye kandi utangire gusaba umwuka wera ihishurirwa runaka ryaguha ubumenyi n’ ubwenge uzaba ukeneye bwo kugufasha kurangiza ibyo bibazo.

    Fata akanya ko gusenga uhabwe ihishurirwa ry’ Umwuka Wera, uhakure Ubwenge n’ ubumenyi agomba kwifashisha muri ibyo bibazo. Nshuti y’ Imana, Shyira ubwo bwenge bw’ ihishurirwa mu ibikorwa aho mu kazi kawe, Shyira ubwo bwenge mu bikorwa muri marriage yawe,  Shyira ubwo bwenge muri business yawe, mu ugukorana n’ Umuryango wawe.

    Shyira  ubwo bwenge mu bikorwa mu amasomo yawe biguheshe gutsinda, Shyira ubwo bwenge mu bikorwa muri ibyo bibazo byawe bikuzanire intsinzi.

    Imana igutabare..!

    Muvandimwe, ndashaka kumva icyo utekereza Uyu munsi, ushobora kunyandikira ubutumwa bugufi kuri imeli yanjye estachenib@yahoo.com cyangwa unyandikire ubutumwa bugufi kuri +14123265034 (WhatsApp).
    Niba ari ngombwa nabwo wansangiza ibyo muri guhangana nabyo muri iyi minsi kugira ngo mbe nabafasha kubisengera.

    P.s. Buri munsi nsenga Imana nyisaba kuduha abadufasha mu kugeza ubutumwa bwiza ku abantu benshi bo ku isi yose byibura 250 buri kwezi. Uriteguye? Ni ubikora…witegure umugisha..!
    nemi

    Nibintije Evangelical Ministries International (NEMI).




    Ibitekerezo